Plöggi plögg

Það hefur verið alveg óvenju mikið að gera hjá mér síðustu daga. Mikill tími hefur farið í að undirbúa komandi tónleikaferð sem hefst á þriðjudaginn. Bóka flug, gistingu, bíl o.s.fr. Nú erum við loksins búnir að mixa upptökur sem Laser tók upp í Finnlandi í sumar. Hægt er að heyra nokkur dæmi á myspace síðunni okkar. Mig hlakkar ekkert smá til þess að koma til Íslands og spila á Rósenberg 8. og 9. desember. Er annars einhver semur áhuga á að vinna í miðasölu? (peningur í boði). Kíkið endilega á heimasíðuna okkar.

Laser - Nordic tour 2006

Myndasyrpa helgarinnar!

Nokkrar myndir teknar á heimili mínu í Högsbohöjd í nótt.

Á miðvikudaginn varð ég vitni af flutningi á verki sem fól í sér að hella vatni á milli ca. 20 glerflaskna sem var raðað í hring. Þetta átti sér stað á fyrirlestri sem ég var á í skólanum. Listamaður þessi hikaði ekki við það og byrjaði að hella á milli án þess segja nokkuð áður. Mér fór strax að leiðast og hugsaði með mér hvort hann ætlaði virkilega að fara heilan hring. Svo þegar hann var búin að fara heilan hring þá hélt bara áfram þangað til að nægilega mikið var búið að sullast niður og ekkert vatn eftir til að hella á milli. Þetta verk tók u.þ.b. 35 mínútur...