Loksins nettengdur

Ég hringdi loksins í netfyrirtækið eftir að hafa beðið eftir nettengingu frá þeim í þrjár vikur. Þá var mér sagt að það væri ekki laus lína í húsið mitt og að ég yrði að fá mér fasta símalínu hjá öðru fyrirtæki og hafa svo samband við þá aftur. Þvílíkt og annað eins rugl. Mér datt ekki til hugar að reyna að eiga viðskipti við þá aftur heldur hringdi í annað fyrirtæki sem reddaði nettengingunni á 10 mínútum...

Afmælisbarnið

Afmælisbarn gærdagsins var Kristmundur Guðmundsson sem er einnig nýbakaður meistari í verkfræðum. Hann hélt stórglæsilega veislu á heimili sínu í Gautaborg. Ég var svo heppin að vera viðstaddur veislu þessa og þakka honum fyrir gestrisnina.

Mike Stern

Sá gítarleikarann Mike Stern á sunnudagskvöldið á Nefertiti. Hann er með nákvæmlega sama sánd, sömu hárgreiðslu og í sömu fötunum og fyrir 20 árum síðan. Hafði samt alveg gaman af fyrstu 10 mínútunum.

Annars hef ég verið í litlu netsambandi undanfarið þar sem það tekur u.þ.b. þrjár vikur að fá nýja internettengingu hér í Svíþjóð. Fyrir utan það að það er meiriháttar mál að finna kaffihús sem er með þráðlaust net.

Íslandsförin

Laser elskar Ísland, alla vini mína og sérstaklega foreldra mína sem dekruðu við okkur allan tíman. Takk fyrir móttökurnar öll sömul!!!

Laser á Íslandi

Kom til landsins í gær með Laser og fór beint með þá í Bláa lónið. Í dag fór ég svo með þá á Þingvelli og Gullfoss og Geysi. Það er óhætt að segja að strákarnir séu alveg heillaðir af landi og þjóð. Svo búum við heima hjá mömmu og pabba í góðu yfirlæti. Á morgun munum við taka lagið á opnunarhátíð Jazzhátíðar Reykjavíkur í ráðhúsinu og svo minni ég á tónleika okkar á Q-bar á fimmtudaginn kl. 22.30.

Meg Nem Sa

Langar bara að minnast á að það er komin út ný Plata með Tyft sem ber titilinn Meg Nem Sa. Hljómsveitin er leidd af gamla gítarkennaranum mínum, Hilmari Jenssyni, sem er frábær gítarleikari og tónlistarmaður. Ég missti því miður af útgáfutónleikum þeirra á Nasa en ég næ mér í diskinn við fyrsta tækifæri.

Laser á Jazzhátíð Reykjavíkur

Fimmtudaginn 28. september mun ég spila með Laser á Jazzhátíð Reykjavíkur. Ég get ekki beðið eftir að koma heim og sýna þeim yndislega landið mitt.

Tónleikarnir verða á Q-bar (var áður Ari í Ögri)kl. 22.30. Miðasala hófst í dag og fer fram á midi.is og í verslunum Skífunar. Kaupið ykkur endilega miða fyrir fram. Hlakka til að sjá ykkur!

Flutningur o.fl.

Nú er orðið allt of langt síðan ég bloggaði síðast. Hér segir í stuttu máli frá því sem drifið hefur á daga mína undanfarið:

- Elmar og Tryggvi komu í heimsókn til mín í síðustu viku og voru hér í fimm daga. Fórum m.a. í Liseberg, á tónleika á Nefertiti, skoðuðum eyjarnar o.fl.

- Fluttu úr 18 fermetra herbergi í 70 fermetra íbúð sem ég leigi með vini mínum Pauli. Hélt innflutningspartí og fékk heimsókn frá Securitas. Söngur íslenskra gesta kennt um!

- Byrjaði í skólanum og byrjaði að æfa mig af krafti.

- Tilhlökkunarefni líðandi stundar: Eftir tvær vikur fer ég til Íslands með Laser til þess að spila á Jazzhátíð Reykjavíkur :)

Kisulíf!

Ég held að ég hafi gleymst að minnast á það en kisan mín á Rauðalæknum er búin að eignast kettlinga á ný. Í þetta skipti voru það tvær stelpur og einn strákur þannig að nú eru fimm kisur á heimilinu!

Pólitík framhald

Vinstriflokkurinn í Gautaborg vill fækka bílastæðum í miðbænum og byggja íbúðarhúsnæði í staðin. Nú líst mér betur á þá heldur en fyrri daginn. Miðbær fyrir fólk en ekki bíla. Hér er á bæ eru almenningssamgöngur líka raunhæfur möguleiki.

Pólitík

Las í morgun grein frá vinstriflokknum (vänsterpartiet) í Gautaborg. Þeir vilja kaupa allar líkamsræktarstöðvar í Gautaborg og reka. Þetta myndi þýða að borgin þyrfti að punga út þvílíkum peningum til að kaupa 30 fyrirtæki og leyfi ég mér að efast um að þjónustan verði betri þegar samkeppnin er engin. Þeir fá allavega ekki mitt atkvæði!

Aftur til Gautaborgar!

Nú er ég loksins komin heim. Búin að vera í Finnlandi meira og minna allan ágúst mánuð. Tónleikaferðin gekk rosalega vel. Mikið af fólki og mikil stemmning. Spilaði á nokkrum meira "serious" jazzklúbbum en ég er vanur og alveg frábært hvað þeir sem sáu um tónleikana tóku vel á móti okkur. Hjálpuðu okkur að bera græjurnar inn, máltíð fyrir tónleikana, vatnsflaska fyrir alla á sviðinu o.s.fr. Mikið vildi ég að þetta væri alltaf svona...
En allavega þá er Finnland alltaf jafn fallegt og skemmtilegt. Kann betur að meta það með hverri heimsókn.
Um helgina fer ég til Osló í smá heimsókn til bróður míns og svo á námskeið á vegum íslensku kirkjunar þar á laugardeginum. Eftir helgi byrjar svo skólinn á ný.

Tónleikaferð Laser!

Aug 9th: Turkoosi, Helsinki
Aug 10th: Jyväskylä jazz club
Aug 11th - 13th: Recording sessions, Jyväskylä
Aug 14th: TBA
Aug 15th: TBA
Aug 16th: Monk Jazzklubi, Turku
Aug 17th: Intro, Kuopio
Aug 18th: Vanha Tuomari, Kuopio
Aug 19th: Teatteri Ravintola, Joensuu
Aug 20th: Birger, Hämeenlinna

Aftur til Finnlands!

Á miðvikudaginn legg ég aftur í hann til Finnlands. Að þessu sinni er ég að fara í brúðkaup hjá mínum kæru vinum Guðna og Camillu. Það á eftir að vera mikil gleði enda verður þar saman komin góður hópur vina og fjölskyldu. Síðan tekur við tónleikaferð með Laser og upptökur...

Strandlíf

Í dag:

- Vaknaði ég í yndislega skapi.
- Baðaði í Saltholmen.
- Fór í bíltúr með Jo í strandbæ sem heitir Smögen og liggur á vesturströndinni norður af Gautaborg.

Yndislega sumar!

Í dag er búið að vera 25 stiga hiti og sólskin í Gautaborg. Byrjaði daginn á því að fara í Go-kart með nokkrum vinum. Að sögn heimamanna ná þessir bílar allt að 75 km hraða. Nokkuð gott það! Fórum síðan að baða í hafinu sem þykir mikið sport hér í Svíþjóð enda sjórinn hlýr og góður. Í kvöld er svo grillveisla til þess að kveðja okkar kæru skiptinema Moritz og Catrine sem eru að fara á morgun. Það er ekki hægt að segja annað en að sumarið sé tíminn!

Finnland

Það jafnast fátt á að vera í góðu veðri í sumarhúsi og hvað þá í miðjum skógi í Finnlandi. Búin að vera í viku í sumarhúsi Pauli með nokkrum vinum. Er m.a. búin að liggja í sólbaði, sigla bát, baða í saunu, baða í vatninu, sitja við varðeld og syngja. Auk þess sem ég var gestur í brúðkaupi ásamt því að spila með dansbandi þar. Tókst reyndar næst síðasta kvöldið að togna á fæti þegar ég stökk af bryggju í vatn sem reyndist töluvert grynnra en ég hafði gert ráð fyrir. Það var svo brunað með mig til læknis til að athuga hvort ég væri nokkuð brotin. Sem betur fer var þetta bara tognin en ég þarf samt sem áður að ganga með hækjur í nokkra daga. Sem betur fer var þetta í lokin á ferðinni...

Á ferð og flugi

Jæja þá er ég búin að vera í Gautaborg í nokkra daga. Svo virðist sem ég hafi tekið rigninguna með mér frá Íslandi. Ég sem var búin að byrgja mig upp af sólarvörn. Á morgun er ferðinni svo heitið til Finnlands þar sem ég mun spila í brúðkaupi systur Pauli. Verð þar í viku í góðum hópi vina frá Gautaborg. Nú er bara að vona að ég taki ekki rigninguna með mér!!!

John Scofield!

Herra John Scofield átt hug mitt og hjarta í Kaupmannahöfn. Ekki frá því að þetta hafi verið bestu tónleikar sem ég hef séð. Hann toppaði meira að segja Rosenwinkel og þá er mikið sagt. Yndislegur gítarleikari sem er gjörsamlega í trans þegar hann spilar. Sat fremst við sviðið með Krissa og vorum við eins og unglingar á rokk tónleikum. Frábært alveg...

Köben, dagur 1