Kisulíf!

Ég held að ég hafi gleymst að minnast á það en kisan mín á Rauðalæknum er búin að eignast kettlinga á ný. Í þetta skipti voru það tvær stelpur og einn strákur þannig að nú eru fimm kisur á heimilinu!

Pólitík framhald

Vinstriflokkurinn í Gautaborg vill fækka bílastæðum í miðbænum og byggja íbúðarhúsnæði í staðin. Nú líst mér betur á þá heldur en fyrri daginn. Miðbær fyrir fólk en ekki bíla. Hér er á bæ eru almenningssamgöngur líka raunhæfur möguleiki.

Pólitík

Las í morgun grein frá vinstriflokknum (vänsterpartiet) í Gautaborg. Þeir vilja kaupa allar líkamsræktarstöðvar í Gautaborg og reka. Þetta myndi þýða að borgin þyrfti að punga út þvílíkum peningum til að kaupa 30 fyrirtæki og leyfi ég mér að efast um að þjónustan verði betri þegar samkeppnin er engin. Þeir fá allavega ekki mitt atkvæði!

Aftur til Gautaborgar!

Nú er ég loksins komin heim. Búin að vera í Finnlandi meira og minna allan ágúst mánuð. Tónleikaferðin gekk rosalega vel. Mikið af fólki og mikil stemmning. Spilaði á nokkrum meira "serious" jazzklúbbum en ég er vanur og alveg frábært hvað þeir sem sáu um tónleikana tóku vel á móti okkur. Hjálpuðu okkur að bera græjurnar inn, máltíð fyrir tónleikana, vatnsflaska fyrir alla á sviðinu o.s.fr. Mikið vildi ég að þetta væri alltaf svona...
En allavega þá er Finnland alltaf jafn fallegt og skemmtilegt. Kann betur að meta það með hverri heimsókn.
Um helgina fer ég til Osló í smá heimsókn til bróður míns og svo á námskeið á vegum íslensku kirkjunar þar á laugardeginum. Eftir helgi byrjar svo skólinn á ný.

Tónleikaferð Laser!

Aug 9th: Turkoosi, Helsinki
Aug 10th: Jyväskylä jazz club
Aug 11th - 13th: Recording sessions, Jyväskylä
Aug 14th: TBA
Aug 15th: TBA
Aug 16th: Monk Jazzklubi, Turku
Aug 17th: Intro, Kuopio
Aug 18th: Vanha Tuomari, Kuopio
Aug 19th: Teatteri Ravintola, Joensuu
Aug 20th: Birger, Hämeenlinna

Aftur til Finnlands!

Á miðvikudaginn legg ég aftur í hann til Finnlands. Að þessu sinni er ég að fara í brúðkaup hjá mínum kæru vinum Guðna og Camillu. Það á eftir að vera mikil gleði enda verður þar saman komin góður hópur vina og fjölskyldu. Síðan tekur við tónleikaferð með Laser og upptökur...

Strandlíf

Í dag:

- Vaknaði ég í yndislega skapi.
- Baðaði í Saltholmen.
- Fór í bíltúr með Jo í strandbæ sem heitir Smögen og liggur á vesturströndinni norður af Gautaborg.

Yndislega sumar!

Í dag er búið að vera 25 stiga hiti og sólskin í Gautaborg. Byrjaði daginn á því að fara í Go-kart með nokkrum vinum. Að sögn heimamanna ná þessir bílar allt að 75 km hraða. Nokkuð gott það! Fórum síðan að baða í hafinu sem þykir mikið sport hér í Svíþjóð enda sjórinn hlýr og góður. Í kvöld er svo grillveisla til þess að kveðja okkar kæru skiptinema Moritz og Catrine sem eru að fara á morgun. Það er ekki hægt að segja annað en að sumarið sé tíminn!

Finnland

Það jafnast fátt á að vera í góðu veðri í sumarhúsi og hvað þá í miðjum skógi í Finnlandi. Búin að vera í viku í sumarhúsi Pauli með nokkrum vinum. Er m.a. búin að liggja í sólbaði, sigla bát, baða í saunu, baða í vatninu, sitja við varðeld og syngja. Auk þess sem ég var gestur í brúðkaupi ásamt því að spila með dansbandi þar. Tókst reyndar næst síðasta kvöldið að togna á fæti þegar ég stökk af bryggju í vatn sem reyndist töluvert grynnra en ég hafði gert ráð fyrir. Það var svo brunað með mig til læknis til að athuga hvort ég væri nokkuð brotin. Sem betur fer var þetta bara tognin en ég þarf samt sem áður að ganga með hækjur í nokkra daga. Sem betur fer var þetta í lokin á ferðinni...

Á ferð og flugi

Jæja þá er ég búin að vera í Gautaborg í nokkra daga. Svo virðist sem ég hafi tekið rigninguna með mér frá Íslandi. Ég sem var búin að byrgja mig upp af sólarvörn. Á morgun er ferðinni svo heitið til Finnlands þar sem ég mun spila í brúðkaupi systur Pauli. Verð þar í viku í góðum hópi vina frá Gautaborg. Nú er bara að vona að ég taki ekki rigninguna með mér!!!

John Scofield!

Herra John Scofield átt hug mitt og hjarta í Kaupmannahöfn. Ekki frá því að þetta hafi verið bestu tónleikar sem ég hef séð. Hann toppaði meira að segja Rosenwinkel og þá er mikið sagt. Yndislegur gítarleikari sem er gjörsamlega í trans þegar hann spilar. Sat fremst við sviðið með Krissa og vorum við eins og unglingar á rokk tónleikum. Frábært alveg...

Köben, dagur 1

Góð helgi!

Síðasta helgi var mjög skemmtilega. Fór í veiði í dölunum með Elmari og Tryggva. Áin var að vísu fisklaus með öllu en það kom ekki í veg fyrir að við skemmtum okkur vel.
Á morgun er svo ferðinni haldið til Kaupmannarhafnar þar sem ég kem til með að hitta Krissa og fara á nokkra jazztónleika, m.a. með Pat Metheny, John Scofield og Herbie Hancock. Meira um það síðar...

Langar nætur!

Það er óhætt að segja að helgin hafi verið mesta djammhelgi Íslandsdvölarinnar. Það var farið út á lífið og ég endaði með því að vera í bænum til sex bæði kvöldin. Það var svosem nógu að fagna því Dagur Bergsson hélt afmælisveislu á föstudaginn og vinkonunur mínar, Steinunn og Camilla, voru að útskrifast úr HÍ. Annars hitti ég fullt af skemmtilegu og hressu fólki í bænum. Gummi Pí spurði mig m.a. af því hvort ég væri búin að fara í sund í Gautaborg. Svo sagði hann mér að Gautaborg hafi verið síðasta vígi sameiginlegra sturtuklefa. Sjálfur bjó hann í Svíþjóð fram að tíu ára aldri og var þá góssentíð sænskra félagsfræðirannsókna. Ein rannsóknin var tilraun með sameiginlega sturtuklefa. Svíum er svosem trúandi til alls...

John Petrucci

Smellið hér til að sjá hressilegt video

Eða hér

Vertíð

Líf mitt þessa dagana gengur að mestu út á vinnu. Ég er að kenna á námskeiði í GÍS og er yfirleitt að frá 14 til 21.20 á kvöldin. Eftir þennan tíma er svosem ekki mikil orka eftir en ég hef þó aðeins afrekað að hitta fólk. Nú er fullur undirbúningur fyrir veiðiferð ársins sem ég mun fara í með æskufélögunum Elmari og Tryggva fyrstu helgina í júlí. Það felur í sér að fara út á Miklatún og æfa fluguköstin. Nú svo eru bara 13 dagar í að ég fari með Krissa á jazzhátíðina í Kaupmannahöfn.

Tónleikar í Noregi

Um helgina spiluðu Laser í Noregi, annarsvegar í Oslo og hins vegar í Sandefjord. Tónleikarnir heppnuðust mjög vel og var ótrúlega gaman að hitta þá félaga í Laser. Í Oslo gistum við hjá bróður mínum og var tekið vel á móti okkur þar. Þau buðu liðinu í grill í góða veðrinu og svo var Ingó auðvitað með þegar við spiluðum á Spasibar. Það var gaman að koma í Sandefjord sem er heimabæ Jo og spila þar. Daginn eftir tónleikana fórum við svo í langan göngutúr í skóginum og að hafinu. Það var ótrúlega gott að koma úr rigningunni á Íslandi og í 25 stiga hita og sól í Noregi.

Home sweet home

Nú er ég búin að vera á Íslandi frá því á sunnudaginn. Einstaklega ljúft að koma í foreldrahús. Er byrjaður að kenna á sumarnámskeiði hjá GÍS sem er bara fín tilbreyting . Er einnig búin að kaupa mér mánaðarkort í Laugum. Við Tryggvi er búnir að taka þetta með krafti og fara í spinning í hádeginu. Við erum að tala um Beach 2006. Svo eru Laser að spila í Noregi eftir rúma viku...

Luxembourg

Nú er ég komin aftur til Gautaborgar eftir nokkra daga heimsókn til systur minnar sem býr í Lux. Fór í heilmikið ferðalag með fjölskyldunni. Fórum til Frakklands, Þýskalands, Sviss og Ítalíu. Það var ansi fallegt í svissnesku Ölpunum og svo ég tali nú ekki um Ítalíu. Fórum í bæ sem heitir Como og er í kringum vatn. Fjöll allt í kring og mörg hús sem eru byggð í fjallshlíðinni. Sólskin og 30 stiga hiti. Yndislegt alveg! Kom svo heim í gær með tollinn og hélt partí í 18 fermetra herberginu mínu, ca. 1 fermeter á mann. Bauð upp á pólskan vodka. Allar 5 flöskurnar kláruðust!!! Pauli man ekki neitt og ein stelpa "sofnaði" frammi á gangi. Bauð svo þeim sem voru eftir lifandi upp á eðal kaffi úr nýju espresso vélinni minni.

Heimasíða Laser

Laser er komin með heimasíðu. Check it out!